Жеңиш Молдокматов
"Замандаш" саясий партиясынын лидери

ЕАЭБдеги татыктуу орун
Жаңылыктар архиви

"Замандаш" саясий партиясынын "Келечек 4.0." - өндүрүштүк революциялык программасы

«Замандаш» партиясы Кыргызстандын экономикалык, соода-сатык жана экономикалык көз карандысыздыгына багытталган саясат жүргүзүүнү көздөйт. Дүйнөлүк өндүрүш революция жасоо идеясына негизделген «Келечек 4.0» декларациясы аркылуу демократиялык баалуулуктарды жана инновациялык экономиканы өнүктүрүү каралган. Декларация төмөндөгүдөй багыттардан турат:

 

1) Бирдей мүмкүнчүлүктөрдүн өлкөсү

Биздин максат – өлкөнүн бардык жарандарынын материалдык жана руханий бейпилчилиги. Биздин артыкчылыктар:

• Билим берүүчү жана маданий программаларга каржылык колдоо;

• Калктын аярлуу катмарына (жумушсуздар, пенсионерлер, мүмкүнчүлүгү чектелгендер) колдоо көрсөтүү;

• Үй-бүлө институтун, эне, ата, баланы колдоо;

• Элдин саламаттыгын жана эмгегин коргоо;

• Кирешелерди кайра бөлүштүрүү аркылуу социалдык теңсиздикти жоюу;

• Элдердин биримдиги.

 

2) Инновациялык өлкө

Биздин максат – Кыргызстандын туруктуу экономикалык өнүгүүсү үчүн шарт түзүү. Инновацияларды экономикалык өсүүнүн негизи кылуу. Биздин артыкчылыктар:

• Колдонмо илимдерди жана венчурдук бизнести өнүктүрүү;

• КР аймагы боюнча жогорку ылдамдыктагы интернет. Өнүккөн IT;

• Инновациялардын туруктуу агымын түзүү;

• Технологиялык жакшыруу;

• Жогорку технологиялык өнүм өндүрүү;

• Ойлоп табуучулардын жана окумуштуулардын интеллекти аркылуу киреше түзүү;

• Интеллектуалдык жеке менчикти коргоо;

• IT-технологиялардын паркын түзүү.

 

3) Жашыл экономика

Биздин максат – жашыл экономиканы Кыргызстандын өнүгүүсүндөгү маанилүү факторго айлантуу. Ал эми Кыргызстанды экологиялык таза өнүм өндүрүүнүн аймактык борбору кылуу. Биздин артыкчылыктар:

• Экологиялык таза азык-түлүк жана керектөөчү товарларды өндүрүү;

• Энергоэффективдүүлүк жана жоготууларды кыскартуу;

• Сууну үнөмдөө;

• Альтернативдүү, жаңылануучу энергия булактарын өнүктүрүү; Электротранспортту өнүктүрүү;

• Таштандыларды азайтуу жана кайра иштетүү.

 

4) Гумандуу өлкө

Биздин максат – өлкөдөгү кылмыштуулукту азайтуу, мыйзам бузуулардын алдын алуу үчүн механизмдерди иштеп чыгуу. Биздин артыкчылыктар:

• Күнөөлүү өзүнүн актыгын далилдөөгө мүмкүнчүлүк ала алган укуктук система;

• Көз карандысыз сот системасы;

• Коомдун бардык мүчөлөрүн башка мүчөлөр тарабынан кемсинтилишинен коргоо;

• Коомдогу баалуулуктар көрсөткүчүн карап чыгуу;

• Жеке потенциалды ишке ашыруу жана бирдей мүмкүнчүлүктөр;

• Аймактардагы жаштардын алектенүүчүлүгүн жогорулатуу, жумушсуздук менен күрөшүү;

• Спортту өнүктүрүү;

• Бизнес инкубаторлордун институту жана чоңдор үчүн билим берүүчү борборлор.

 

5) ЕАЭБдеги татыктуу орун

Биздин максат – ЕАЭБ менен мындан аркы терең интеграция. Бул биримдиктин мүчөсү катары бардык артыкчылыктарды колдонуу менен кыргызстандыктардын жашоо-шартын жакшыртуу.

• Евразиялык экономикалык жолдо экспорттук соода-логистикалык чынжырча түзүү;

• ЕАЭБ алкагындагы билим берүүчү мекемелерге кадрларды максаттуу даярдоо жана квалификацияны жогорулатуу боюнча түзүмдөрдү киргизүү;

• ЕАЭБ алкагында “чек арасыз жумуш издөө” электрондук түзүмүн киргизүү;

• Эмгек мигранттары үчүн юридикалык колдоо жана ЕАЭБ аймагында адаптация болуусуна шарт түзүү;

• ЕАЭБ өнөктөштүгү алкагында программаларды биргеликте ишке ашыруунун негизинде илимий-техникалык интеграция;

• Айыл-чарба өндүрүшчүлөрүнө өнүмүн түз ЕАЭБ алкагындагы рынокко чыгарууга мүмкүнчүлүк бере турган электрондук айыл-чарба биржасын түзүү;

• Кыргызстандын логистикалык борборлорун ЕАЭБдин бирдиктүү логистикалык түзүмүнө кошуу;

• Кыргыз айыл-чарба өнүмүн ЕАЭБ өлкөлөрүндө жүгүртүү боюнча механизмдерди иштеп чыгуу;

• Кыргыз инвестицияларын ЕАЭБ өлкөлөрүндө, ЕАЭБ өлкөлөрүндөгү инвестицияларды Кыргызстанда коргоо.

 

6) Эркиндик

Биздин максат – жарандык эркиндикти камсыздоо. Адам укуктарынын бардык деңгээлдерде сакталышына шарт түзүү. Биздин артыкчылыктар:

• Көз карандысыз ЖМК;

• Сөз эркиндиги, диний эркиндик;

• Кыргыз Республикасынын ар бир жаранынын укугун коргоо;

• Экономикалык эркиндик;

• Салык жүгүн төмөндөтүү;

• Бюджетке салыктан тыш түшүүлөрдү көбөйтүү.

 

7) Элдик бийлик

Биздин максат – эл бийлик үчүн эмес, бийлик эл үчүн. Биздин артыкчылыктар:

• Бийликтин ишинин натыйжалуулугун баалоо критерийлери;

• Өкмөттүн эл алдындагы отчёттуулугу;

• Мамлекеттик органдардын айкындуулугу;

• Коррупциянын себептерин жоюу;

• Өкмөттү оптимизациялаштыруу;

• Башкарууну санариптештирүү;

• Административдик-аймактык реформа;

• Жергиликтүү бирикмелердин активдүүлүгүн күчөтүү.

«Келечек 4.0» декларациясы – дүйнө менен бир катарда болуу үчүн убакыттан алдыда болуу.

2020-09-09 10:50:00